Халăха ĕçпе тивĕçтерекен районти центр граждансене вăхăтлăха обществăлла ĕçлĕ тăвас тĕллевпе кăçалхи çур çулта çеç предприятисемпе 21 килĕшÿ тунă. Унта вара мĕн пурĕ 116 çынна явăçтарнă. Вĕсем ял тăрăхĕсенчи урамсене симĕслетес тата тирпейлес, ял хуçалăхĕнче пулăшас тата ытти тĕллевпе те тимлеççĕ. РФ саккунĕпе килĕшÿллĕн вĕсене центртан пурлăх тĕлĕшĕнчен хавхалантараççĕ, уйăхне 1560 тенкĕ укçа тÿлеççĕ.