Уявра савăнчĕç
Çĕр çынни çурхи ĕçсем вĕçленсен авалтанпах кăштах сывлăш çавăрса ярас тесе уяв ирттернĕ. Çак йăла паянхи кун та кивелмен, пачах çĕнелсе, вăйланса пырать. Акă, районта Акатуй-Сабантуй кăçалхипе 57-мĕш хут иртрĕ. Июнĕн 12-13-мĕшĕсенче Хĕвеллĕ уçланкăра вĕренÿ, ĕç паттăрĕсене чысларĕç, юрă-ташă ăстисем хăйсен пултарулăхĕпе савăнтарчĕç, спорта кăмăллакансем тĕрлĕ ăмăртура тупăшрĕç. Уяв мĕнлерех иртни пирки çитес номерте тĕплĕнрех паллаштарăпăр.
"Авангард" (газета Батыревского района)