Район шайĕнче йĕркеленĕ конкурса пине яхăн вĕренекен хутшăнма хапăл тунă. Сочинени çырассипе Кивĕ Ахпÿртри виççĕмĕш класри К.Арлановпа Патăрьелĕнчи иккĕмĕш вăтам шкулти 9-мĕш класра вĕренекен А.Табаков палăрнă. Ÿнерçĕ ăсталăхĕпе Тутар Сăкăтĕнчи 7-мĕш класри Р.Гайнуллов тата Турханти вăтам шкулти 8-мĕш класра вĕренекен В.Сымов пултарулăхне пысăка хурса хакланă. “Салтак тутăрĕ” номинаципе вара Кзыл Чишмари 5-мĕш класри Л.Губайдуллинăпа Первомайскинчи вĕрентÿ центрĕнчи М.Козлова ĕçĕсене чи лайăххисен шутне кĕртнĕ. Район шайĕнче палăрнă çак конкурсантсем пурте республикăри тупăшăва хутшăннă. Чи лайăх икçĕр ĕç хушшинче Первомайскинчи вĕрентÿ центрĕнчи Марина Козлова ĕçĕ “Салтак тутăрĕ” номинаципе республикăра пĕрремĕш вырăн йышăннă, ăна партин Чăваш регион уйрăмĕн дипломĕпе тата хаклă парне парса саламланă.