Шăпа янă хыççăн площадкăна Нăрваш Шăхаль шкул командин хĕр ачисемпе Первомайскинчи вĕрентÿ центрĕн хĕр ачисем тухрĕç. Кунта хуçасем çăмăллăнах 15:0 шутпа выляса илчĕç. Шăхальсем Туçасенчен те 4:2 шутпа выляса илсе çĕнтерÿçĕсем пулса тăчĕç. Иккĕмĕш вырăна Первомайскисем çĕнсе илчĕç, виççĕмĕшĕнче – Туçасем. Арçын ачасен командисен хушшинче те çÿлти шайра Нăрваш Шăхальсем пулчĕç. Тĕп шкул командисен хушшинче Çĕнĕ Ахпÿртсем палăрчĕç. Вĕсем Треньелĕнчи А.Краснов ячĕллĕ шкул командинчен 14:1, Шăхачри шкул командинчен 17:2 шутпа выляса илсе çĕнтерÿçĕсем пулса тăчĕç. Иккĕмĕш вырăна Треньелсем, виççĕмĕшне Шăхачсем йышăнчĕç.