Çу уйăхĕн юлашки кунĕнче Сăкăтри халăх хорĕпе ташă ушкăнĕ ял чиркĕвĕн настоятелĕ Вениамин атте пилĕпе Мускавра И.Я.Яковлев çуралнăранпа 160 çул çитнĕ ятпа иртнĕ Раççейри пĕтĕм чăвашсен VIII “Акатуй-2008” уявне хутшăннă. Сцена ăстисен пултарулăхне курса савăнма çĕр-шывăн тĕп хулинче нумай-нумай ентеш пуçтарăннă, Сăкăтсен юрри-ташшине пысăк хак панă. Акатуй хастарĕсем инçе çултан пушă алăпа таврăнман. Вĕсен пысăк ушкăнне Раççейри чăваш наципе культура автономийĕн тав çырăвĕпе наградăланă.

Чăваш халăх, ял йăли-йĕркине тытса пыракансене, тăван чĕлхе культурине аталантаракансен ушкăнне çул çÿреврен килсен район пуçлăхĕ Н.Глухов ăшшăн саламланă.