Губайдуллинсем те иккĕн килнĕ: Ильсиярпа Камиль юн пачĕç. Меруза Резине Замалетдиновсем те пĕр çемьеренех.

Кзыл Чишмаран 44 донор, Алманчăран 45 çын, Красномайскинчен çирĕмĕн хутшăнчĕç ыр кăмăллăх мероприятине. Инкекре пулăшас текен çемьесем ытти ялсенче те пулчĕç. Алманчăран Юрий Николаевичпа Людмила Георгиевна Петровсем, Николай Рюриковичпа Галина Валерьяновна Волковсем, Николай Альбертовичпа Алина Николаевна Степановсем кăмăлтан пачĕç юн.

Участокри медицина ĕçченĕсен тăрăшулăхне те палăртмалла. Нихăçан та айккинче юлмаççĕ хăйсем те юн парассинчен.