Район центрĕ капăр та пуян çеç мар, тирпейлĕ пултăр тесе тăрăшни те курăнать. Юр кайма пуçласанах кунта кашни эрнекун субботниксем йĕркелеççĕ. Çак ырă ĕçе йăлана кĕртни пуриншĕн те кăмăллă. Ялта унта та кунта кирлĕ-кирлĕ мар япаласем йăваланса выртмаççĕ. Тĕрĕссипе вара кашни ялах çапла йĕркене, тирпее хăнăхтарма пулать. Хамăр хушăмăрта çак ĕçе йĕркелесе яни çеç кирлĕ. Пуçтарăннă ăпăр-тапăра вăхăтран вăхăта тракторпа тиесе çеç ямалла. Уншăн укçи-тенки нумаях тăкакланас çук. Хамăр пурăнакан вырăна тирпейлĕ тытни хамăршăн та, сывлăхшăн та лайăх пулĕччĕ. Ăçта таса, унта сывă пурнăç, чир-чĕр ĕрчемест. Çакна кашни ял тăрăхĕнчех шута илмелле.