Нăрваш Шăхалĕнчи шкулти “Малтанхи утăмсем”, “Краеведение” кружоксен членĕсем Н.Павлова тата Н.Матвеева учительницăсем ертсе пынипе чăвашсен паллă просветителĕ Иван Яковлевич Яковлев çуралнă яла – Тутар Республикинчи Кăнна Кушкине çитсе курнă. Инçе çул çÿрев И.Яковлев çуралнăранпа 160 çул çитнипе çыхăннă. Кружок членĕсем ялти пуян музейпа паллашнă, часовньăра пулнă, ял-йышпа курса калаçнă. Çул çÿрев пурин чĕринче те тарăн йĕр хăварнă.