Чыс пĕтсен çынна мул пулăшаймĕ
Пĕрин ывăлĕ юрăхсăр, ĕçлемесĕр çапкаланса çÿрет. Теприн кинĕпе килĕшĕвĕ çитмест, кивĕ çуртĕнче пĕччен пурăнать. Хапха юпи пек паттăр ывăлне çар службине ярса кĕтсе илейменни те пур. 21 çул хушшинче 21 кун аса илмесĕр ирттермен пуль амăшĕ. Урисем ыратаççĕ. Камран пулăшу кĕтмелле унăн малашне;
Ватлăхра кÿрши-аршипе тăванран та çывăх пурăнакансемшĕн хĕпĕртетĕп. Çав вăхăтрах пĕчченлĕхре кун кунласа çĕр ирттерекенсене кÿрентерекенсене сивлетĕп. Вуттине, кил картинчи хуралтăран выльăх апатне, ăна хумалли савăт-сапине, ал айне лекекен ытти япалисене тартма пăхакансене епле ырă куçпа пăхăн. Çын мулĕпе пурнăç тăваймăн. Чыс пĕтсен вăрлакана пуянлăх пулăшаймастех. Çухатаканăн куççулĕ çĕре ÿкмест. Мĕншĕн хăйсен ватлăхĕ пирки шухăшламаççĕ-ши;