“АПК аталанăвĕ” наци проекчĕпе килĕшÿллĕн пирĕн районта 2741 хуçалăх (20, 6 процент) 451 миллион тенкĕлĕх çăмăллатнă кредит илнĕ. Ял тăрăхĕсемпе илес пулсан, апрелĕн 1-мĕшĕ тĕлне Патăрьелĕнче 426 хуçалăх (38, 9 процент), Тăрăн ял тăрăхĕнче 212 хуçалăх (33, 8 процент), Шăнкăртамра 433 хуçалăх (31, 7 процент) килти хушма хуçалăха аталантарма патшалăх паракан çăмăллатнă кредита илнĕ. Ку ĕç малалла та ăнăçлă пырать, ял çынни çак мелпе усă курса çемье бюджетне пуянлатма тăрăшать.