Чăваш Республикин Тĕп суйлав комиссийĕ суйлав ыйтăвĕсене массăллă информаци хатĕрĕсенче анлăрах çутатас тĕллевпе конкурс ирттернĕ. Унта радио, телевидени, хаçатсен редакцийĕсем, уйрăм журналистсемпе çынсем хутшăннă. Конкурса тăратнă материалсене тĕплĕн тишкернĕ хыççăн Патăрьел районĕнчи «Авангард» хаçат редакцине Тав çырăвĕ тата хавхалантару премийĕ пама йышăннă.