Кĕркунне тăкăннă йывăç-тĕм айĕнчи çулçăсем, хăрнă-типнĕ курăк, пылак шывран пушаннă кĕленче е ытти савăт-сапа тавралăх илемне пăсаççĕ. Куç тĕлне пулаканнисене хальтерех тасатмалла. Тирпей-илемĕ хамăршăнах-çке. Çакна шута илсе район администрацийĕнче ĕçлекенсем, Ленин проспекчĕпе вырнаçнă ытти учрежденисенче вăй хуракансем иртнĕ эрнекун пуçласа тирпей-илем тума тухрĕç. Пухăннă çÿп-çапа тасатрĕç, тиесе ăсатрĕç. Иртнĕ çул район центрĕнче тирпей-илем тытса тăрас енĕпе аван ĕçленĕччĕ. Кашни эрнекун ушкăнпа тухса çÿп-çапа пуçтарнăччĕ. Кăçал та çак йăлана тытса пырасса шанас килет.