Ачалăхшăн, ачалăх ячĕпе
Нарăс уйăхĕн 28-мĕшĕнче Шупашкарти ачасемпе çамрăксен пултарулăх керменĕнче старт илнĕ “Ачалăхшăн, ачалăх ячĕпе” ыр кăмăллăх марафонĕ малалла тăсăлать.
Ача-пăча фончĕн регион уйрăмĕ ирттерекен сăваплă юхăма юлашки çулсенче хутшăнакан йышлансах пырать. 2005 çулта юридици сăпатĕнче тăракансем тата уйрăм çынсем 100-ĕн пулнă, виçĕм çул – 200, пĕлтĕр – 400.
Республикăри ачасен пурнăç условийĕсене лайăхлатма çулленех тĕллевлĕ программăсем ĕçе кĕреççĕ. Çапах та патшалăх тата общество вăй-халне пĕрлештермесĕр çамрăк ăрăвăн ачалăхне тулли телейлĕ тăваймăн. Предприятисен, организацисен, учрежденисен коллективĕсем, ертÿçĕсем, предпринимательсем, çавăн пекех кашни çынах çак сăваплă ĕçрен айккинче ан юлтăрччĕ.
"Авангард" (газета Батыревского района)