Батыревский муниципальный округПатăрьел муниципалитет округĕ
Спорта юратакансемшĕн комплекс алăкĕ уçă
Патăрьелĕнчи «Паттăр» физкультурăпа спорт комплексне паян çитĕннисем те, кĕçĕнреххисем те йышлăн çÿреççĕ. Асатте-асанне пулнисем те кунта хăйсем валли йăпанăç тупаççĕ: теннисла, волейболла выляççĕ, мускулсене тĕреклетекен залра сывлăхне çирĕплетеççĕ тата ытти те.
Хĕрарăмсем аэробика кружокĕнче тĕрлĕрен хускану туса кĕлеткине çăмăллатаççĕ. Кунтах массаж пÿлĕмĕ ĕçлени те спортсменсемшĕн меллĕ.
– Комплекса паян куллен 200 ытла çын çÿрет. Бассейнсем ĕçлеме пуçласан пирĕн пата спорта юратакансем тата ытларах явăçĕç, – каласа парать комплекс директорĕ А.Краснов.
"Авангард" (газета Батыревского района)