Хальхинче Чăваш Патшалăх университечĕн пысăк квалификациллĕ тухтăрĕсем, преподаватель-профессорĕсем Сăкăтри врач офисĕнче çак ял халăхне йышăннă, вĕсен сывлăхне тĕрĕсленĕ, чирлисене усăллă сĕнÿсем панă. Ирхине 10 сехетрен пуçласа каçхине сакăр сехетченех ĕçленĕ тĕп хуламăртан килнĕ ăста специалистсем. Çак кун 250-ăн хăйсен сывлăхне тĕрĕслеттернĕ. Ырă ĕçшĕн пурте кăмăллă юлнă.