Нумай пулмасть çеç Чăваш Патшалăх университечĕн пысăк квалификациллĕ специалисчĕсем Пикшик ял тăрăхĕнче пулса çак енчи ватти-вĕттин сывлăхне тĕрĕсленине, чирлисене кирлĕ сĕнÿ, пулăшу парса хăварнине çырнăччĕ. Хальхинче çак аслă шкулăн пысăк шайри тухтăрĕсем Кзыл Чишма ял тăрăхĕнчи халăха йышăннă. Ырă ĕçсен çулталăкĕнче çакăн пек пархатарлă ĕçе йĕркелекенсене ял халăхĕ чун-чĕререн тав тăвать.