Çак кунсенче республикăра чăваш чĕлхипе литературине чун-чĕререн парăннисем олимпиадăра тупăшнă. Район чысне аслă классенче вĕренекен ултă ача хÿтĕленĕ. Çивĕч ăслисем хушшинче палăрма çăмăлах пулман. Çапах та Треньелĕнчи тата Ыхра Çырминчи шкулсенчи Екатерина Терентьевăпа Эльмира Мирзетянова республикăри олимпиадăра пĕрремĕш вырăн çĕнсе илме пултарнă. Вĕсене хатĕрлекен учительсене те тав тумалăх пур.