“АПК аталанăвĕ” наци проекчĕпе килĕшÿллĕн килти хушма хуçалăхсене аталантарма патшалăх кредит пама пуçланă хыççăн халăхран сĕт пуçтарасси тата ÿснĕ. Январь уйăхĕнче çеç, сăмахран, ăна районĕпе 776, 7 тонна пуçтарнă. Кăтартуллисенчен Шăнкăртам, Турхан, Первомайски, Çĕнĕ Ахпÿрт ял тăрăхĕсене палăртса хăвармалла.

Хуçалăхра ĕне-выльăх тытакансем сĕте пуçтарас ĕçе йĕркеленипе тата унăн хакне ÿстернипе кăмăллă. Хăш-пĕр çемье кашни уйăхра ăна 10-15 пин тенкĕлĕх те сутать. Мĕнрен япăх çемье бюджетне çапла услам кĕни!