Ял хуçалăхĕнчи ĕç-хĕле пĕтĕмлетеççĕ
Çулсеренех çак тапхăрта районти ял хуçалăх предприятийĕсенче отчетпа суйлав пухăвĕсем пулаççĕ. Вĕсенче çĕр ĕçченĕн иртнĕ çулхи ĕç-хĕлне пĕтĕмлетеççĕ, малашлăх тĕллевсене пăхса тухаççĕ. Хальлĕхе 25 хуçалăхран ăна тăваттăшĕнче çеç (“Звезда”, “Красное знамя” кооперативсенче, “Батыревский” кооперативпа “Батыревское” УАО-ра) йĕркеленĕ-ха. Малашне вăл черетпе кашни эрнерех иртĕ.
"Авангард" (газета Батыревского района)