Ача çулталăкĕ Патăрьелсемшĕн чылай ырă пулăмпа асра юлчĕ. 2007 çулта Юхмапа Пăла тăрăхĕнче 258 арçын ача, 237 хĕр ача çуралнă. Маларахри çулхипе танлаштарсан демографи лару-тăрăвĕ чылай лайăхланнă. Арçын ачасенчен ашшĕ-амăшĕ ытларах Александр, Артем, Дмитрий, хĕр ачасенчен Кристина, Анастасия, Карина ятсене суйласа илнĕ. Çав вăхăтрах питĕ сайра ятсене хунисем те пур. Аэлита, Миляна, Злата, Мирон, Келли, Рим ятсемпе свидетельство çырнисене вара алăри пÿрнепе те шутласа тухма пулать.