Юратнă ĕçре вăхăт иртни те сисĕнмест. Алманчăри В.Пахомов механизатор “хурçă ут” çине ларни тах-çанах мар пек. Унтанпа вара чĕрĕк ĕмĕр ытла та иртнĕ. Хуçалăхра вăл ятлă-сумлă, хисеплĕ çĕр ĕçченĕсенчен пĕри. Вăл çеç те мар, ашшĕн ĕç опытне ывăлĕсем малалла тăсаççĕ. Виçĕ ывăлĕ те “хурçă ут” тусĕсем. Мăнукĕсем те аслашшĕ-кукашшĕн çулĕпех утасшăн пулни халех сисĕнет. Кĕçĕн класра çеç вĕренеççĕ пулин те техника вăрттăнлăхне аван чухлаççĕ. Юратнă ĕç ламран лама куçни Пахомовсемшĕн пысăк савăнăç.