Çĕнĕ çул умĕн Упамсари культура çуртĕнче те çут çанталăк газĕпе хутса ăшăнма пикеннĕ. Ăна чыслă лару-тăрура уçнă çĕре район пуçлăхĕ Н.Глухов хутшăннă, Упамсасене çак паллă кун ячĕпе саламланă, культура вучахĕ ăшă çеç мар, хăтлă та илемлĕ пултăр тесе юсав ĕçĕсем ирттерме 50 пин тенкĕ тĕллевлĕ укçа уйăрни çинчен пĕлтернĕ.

Культура çурчĕн директорĕ П.Савельев кану вырăнĕ нихăçан та кичем ан лартăр тесе тăрăшать. Çавăнпа та вăл драма тата алă ĕçĕсен кружокĕсене çĕнĕ варкăш кĕртсе ĕçлеттерсе яма шутлать.