Районта юлашки вунă çулта халăха сиплевпе профилактика пулăшăвĕ парас, сиплев учрежденийĕсен пурлăхпа техника базине пуянлатас тĕлĕшпе чылай ырă улшăнусем пур. Паянхи куна автопарк тĕпрен çĕнелнĕ. Юлашки икĕ çулта çеç наци проекчĕпе килĕшÿллĕн тăватă санитари автомашини илнĕ, 23 единица хаклă йышши медицина оборудованийĕ туяннă. Çак енĕпе малалла та тимлеççĕ.