Районта "Сывлăх сыхлавĕ" наци проектне пурнăçламалли программăпа халăх хушшинче грипп чирĕнчен вакцинаци тăвасси ăнăçлă пырать. Халăхăн 16 процентне ку тĕлĕшпе профилактика тумалла. Ноябрь уйăхĕн çурри тĕлне шкул ачисене, ытти вĕрентỹ учрежденийĕсенчи студентсемпе преподавательсене, суту-илỹ ĕçченĕсене тата ыттисене те прививкăсем тунă. Çапах, кирек мĕнле пулсан та, грипп чирĕнчен чăн малтан хамăрăн вăйпа кĕрешмелле, унран асăрханмалла. Ун пек чухне халăх медицинин мелĕсене халерех аса илни те вырăнлă, теççĕ медиксем.