Çак ятпа октябрĕн 15-мĕшĕнчен пуçласа ноябрĕн 30-мĕшĕччен администраци сайчĕпе "Квадрат" видеостуди район 80 çул çитнине халалласа "Патăрьелĕм, эпир сана мĕнле куратпăр" ятпа сăн ỹкерчĕксен конкурсне ирттерет. Вĕсене электронлă майпа йышăнаççĕ. Конкурса Патăрьел сайчĕпе усă куракан кашни хастарах хутшăнма пултарать. Ỹкерчĕкре уйрăмах ỹнер ăсталăхĕ пулнине, оригиналлăха хаклаççĕ. Ĕçĕн ячĕ те, ăна ăнлантарса пани те кирлĕ. Ан ỹркенĕр, район юбилейĕпе çыхăннă фотоконкурса хутшăнăр!