Район пуçлăхĕ Н.Глухов Патăрьел районне йĕркеленĕренпе 80 çул çитнине çÿллĕ шайра хатĕрленсе ирттерес тĕллевпе йышăну кăларнă. Юбилее тата Ял хуçалăхĕпе тирпейлекен промышленноçра ĕçлекенсен уявне пĕрле 2007 çулхи ноябрĕн 30-мĕшĕнче Патăрьелĕнчи Культурăпа кану центрĕнче ирттерме палăртнă. Çавна май ял тăрăх пуçлăхĕсене, предприятисемпе организацисен тата учрежденисен ертÿçисене октябрĕн 22-мĕшĕ – ноябрĕн 29-мĕшĕсенче Патăрьел районĕ 80 çул тултарнине халалласа мероприятисем йĕркелеме сĕннĕ.

Район юбилейне тата Ял хуçалăхĕпе тирпейлекен промышленноçра ĕçлекенсен кунне халалланă чаплă ларăва хатĕрленсе ирттерес тĕлĕшпе 9 çынран оргкомитет туса хунă. Ăна район пуçлăхĕн пĕрремĕш çумĕ Р.Селиванов ертсе пырать.

Йĕркелÿ комитечĕн ĕç планне, укçа-тенкĕ сметине туса хатĕрлемелле. Район администрацийĕн пайĕсен ял тăрăх администрацийĕсене, предприятисемпе организацисене тата учрежденисене, вĕренÿ заведенийĕсене район 80 çул тултарнине паллă тăвакан мероприятисене ирттерме тивĕçлĕ пулăшу памалла.