ЧР Ял хуçалăх министерствин "Чăвашçăкăрпродукт" патшалăх предприятийĕн склачĕсене августăн 13-мĕшĕ тĕлне 20 пин тоннăна яхăн тулăпа ыраш кĕнĕ. Тырă пахалăхĕпе пирĕн район пĕрремĕш вырăнта, клейковина 28 процентран та пысăкрах. Ку тĕлĕшпе "Гвардеец", "Труд", "Звезда" хуçалăхсем ырă тĕслĕх кăтартаççĕ. Канаш элеваторне тырă леçессипе район республикăра иккĕмĕш вырăнта пырать, 1300 тонна ытла тырă ăсатнă та ĕнтĕ.