Çурла уйăхĕ ял хуçалăх ĕçченĕсемшĕн те, вĕрентекенсемшĕн те, строительсемшĕн те питĕ хĕрỹ те яваплă тапхăр. Район администрацийĕн структура подразделенийĕсен ертỹçисен черетлĕ канашлăвĕнче район пуçлăхĕ Н.Глухов малтанах уй-хир ĕçĕ-хĕлĕ районта мĕнле иртсе пыни пирки, ăна хăвăртлатмалли тĕллевсем çинчен сăмах пуçарнă. Вырмана хăвăрт тата тăкаксăр вĕçлес тесе тивĕçлĕ службăсене тимлĕрех ĕçлеме хушнă.

Иртнĕ эрнере ятарлă комисси ача-пăча учрежденийĕсем çĕнĕ вĕренỹ çулне мĕнле хатĕрленнине тĕрĕсленĕ, кашни коллективах çитменлĕхĕсене асăрхаттарса хăварнă. Халĕ вĕрентекенсем пысăк мероприятине _ августри конференцине хатĕрленеççĕ.

Çанталăкăн ăшă кунĕсемпе усă курса районта çул-йĕр тăвас, юсас ĕç малалла пырать. Пысăк строительство объекчĕсенче те ĕç чарăнмасть.

Район пуçлăхĕ палăртнă тĕллевсене пурнăçлама витĕмлĕрех ĕçлемелли пирки аса илтернĕ.