Çĕньял. Уйăхлăха халалласа шкулта I-XI классем хушшинче шашка турнирĕ пулнă. Чи кĕçĕннисем хушшинче А.Захаровăпа В.Дмитриев, вăтаммисенчен К.Сидорова, аслисенчен И.Сидоровăпа В.Киркин чăн-чăн ăста шашистсем пулни палăрнă.

Анат Туçа. Çĕр-шыв хÿтĕлевçисен уявне кĕтсе илнĕ май шкулта тĕрлĕрен мероприяти ирттернĕ. Вĕсенчен пĕри – сĕтел çинчи теннис вăййисем. Унта 6-9-мĕш классенчен чи маттур вунă спортсмен тупăшнă. Çавра тĕл пулусем хыççăн улттăмĕш класри Е.Мясников пĕрремĕш, тăххăрмĕш класри Е.Глинкин иккĕмĕш вырăнсене çĕнсе илнĕ.

Ыхра Çырми. Шкулта çарпа патриотизм темипе кашни класрах вулав конференцийĕсем пулнă. Патриотла юрăсен тата сăвă ăста калакансен конкурсĕ те пурин кăмăлне те кайнă. Çав тупăшусене мĕн пурĕ 32 ача хутшăннă.