Отчетлă тапхăрта пирĕн пристав-исполнительсен ячĕпе судра виçĕ жалоба пăхса тухнă, анчах вĕсенчен пĕри те тÿрре тухса пурнăçа кĕреймен. Çакă, паллах, пирĕн ĕçченсен профессилле ăсталăхĕ çултан çулах ÿссе пыни, вĕсен тÿрĕ чунлăхĕ çăмăл мар ĕçре хăйсен тивĕçне парăнса пурнăçлани пирки калать.

Пирĕн пата кĕнĕ кирек мĕнле ĕçе те саккунлă майпа татса пама тивет. Хăш-пĕр пуçтахсем суд приставĕн саккунлă йышăнăвĕсене пăхăнасшăн мар, пурнăçламаççĕ. Федераллă саккунăн “Об исполнительном производстве” текен 87 статйине тĕпе хурса пĕлтĕр 162 производство пирки парăмçăсене 292000 штраф панă. Укçине пурне те бюджета куçарнă.

Пристав ĕçĕ витĕмлĕ те, курăмлă та пултăр тесен кăçал пирĕн пĕлтĕрхинчен те пикенерех, тăрăшуллăрах, конкретлăрах ĕçлемелле. Çакă кашни ĕçченĕн пирвайхи тивĕçĕ. Çак шухăшсенех итоглă канашлура суд приставĕсен Федераллă Служба управленийĕн руководитель çумĕ А.Иванов та çирĕплетрĕ, иртнĕ çулхи ĕçе лайăхпа хакларĕ.