Район пуçлăхĕпе Президент Администрацийĕн ертÿçи хушшинчи ĕçлĕ тĕл пулури калаçăвăн тепĕр пайĕ районти шкул çулне çитмен ачасем валли çĕнĕ, хушма вырăнсем тăвасси, шкулсене реорганизацилесси.

Паянхи куна районта 52 муниципаллă вĕренÿ учрежденийĕ. 2001 çултан пуçласа районти 15 шкул хăйĕн статусне улăштарнă.

Хальхи вăхăтра Шăнкăртам ял тăрăхĕнче демографи лару-тăрăвĕ лайăхлансах пынине кура кунта шкул çулне çитмен, çавăн пекех аслăрах ачасем валли те хушма вĕренÿ учрежденийĕ тăвасси çивĕч тăрать. Тĕл пулура çак ыйтăва та тишкернĕ, сÿтсе явнă, татса памалли майсене тĕпченĕ.

Вĕрентÿ учрежденийĕсем пирки калаçнă чухне район пуçлăхĕ Н.Глухов шкул-интерната хамăр патăртах хăварасси, кивелнĕ çурта тĕпрен юсаса çĕнетесси те çывăх вăхăтра татса памалли ыйтусен шутĕнче пулнине каланă.