Шăнкăртамра Пĕтĕм тутарсен общество центрĕпе мăсăльман тĕн управленийĕн конференцийĕ иртнĕ. Унта чылай регионсен делегацийĕсем хутшăннă.

Конференцире ытти ыйтусемпе пĕрлех тутар-пушкăрт наци кĕрешĕвĕн Чăваш Республикинчи федерацине йĕркелессине те татса панă. Унăн Президенчĕ пулма Фарит Чабатова (Шăнкăртам), вице-президенчĕ пулма Рашит Хамбикова (Комсомольски), аслă тренер пулма Ильфак Алеева (Шăнкăртам) суйланă. Çакăнтах Федераци уставне, 2007 çул валли план çирĕплетнĕ. Конференцире Фетхи Бурнаш премийĕсене панă. "Этем - эпоха" ята Чăваш Республикин Президенчĕ Николай Федоров, "Врач-2006" ята Патăрьел больницин хирургĕ Рустем Ахметов, "Çулталăк спортсменĕ" ята Ильфак Алеев, "Спорт меценачĕ" ята Фарит Чабатов тивĕçнĕ.

Премисемпе дипломсене Раççей Аслă муфтийĕн пĕрремĕш çумĕ Альберт Крганов тата Пĕтĕм тутарсен Чăваш Республикинчи центрĕн президенчĕ Фарит Гибатдинов панă.