Çакна асра тытса Патăрьел районĕнчи ял хуçалăх предприятийĕсем те, уйрăм çынсем те ăратлă лаша ĕрчетес тĕлĕшпе çине тăрса ĕçлеççĕ.

"Ленин ячĕллĕ агрофирма" АУО ĕçченĕсем Владимирски ăратлă йывăр туртакан лашасем ĕрчетекен ферма тума тытăннă. Асăннă ăратлă лашасем ĕçлес пултарулăхĕпе палăрса тăраççĕ. Йывăр çăк туртнă рекорд та Владимирски ăратлă лашасен ячĕпех çыхăннă. Çак ăратлă ăйăрсем 790 килограмм, кĕсресем 680 килограмм таяççĕ.

"Гвардеец агрофирма" тулли мар яваплă обществăра вара юртă лашасен ăратне ĕрчетессипе ĕçлеççĕ.