Çак кунсенче район татах çумăр айне пулнă. Вăйлă çил йывăçсене хуçнă, тымарĕпе кăларнă. Электричество линийĕсене татнă. Районта 67 подстанци электричествосăр юлнă, телефон линийĕсем татăлнипе 8 АТС ĕçлемен. Ялсенче çутă юписем йăваннă. "Патăрьел-Елчĕк" автоçул хуçăлнă йывăç айне пулнă. Патăрьел ДРСУ службин ĕçченĕсем ăна çĕрлеччен тасатнă. Çил-тăвăл хуçаланнă хыççăн Патăрьелĕнчи электросеть, "Патăрьелĕнчи пурăнмалли çурт-йĕр хуçалăхĕ", "ВолгаТелеком" филиалĕн авари бригадисем района тирпейлессипе 4 кун ĕçленĕ. Çил-тăвăла пула уйрăм çынсен, суту-илỹ предприятийĕсен çурчĕсен тăррисем ишĕлнĕ. Страховани компанийĕсем халĕ тăкак хакне палăртаççĕ.

Первоисточник: "Хыпар"