Пурнăçна çĕршывшăн патăн, Андриян
Тĕп судья пулса вăл килнĕ
Суйласа тăван ене.
Ма сасартăк-ши вăл вилнĕ.-
Тăпри чĕннĕ ывăлне.
Хăйне майлă таса паллă
Пулса юлĕ ĕмĕре.
Чăваш çĕрĕ пурнăç панă.
Мухтав илтĕн- халь кĕрех...
Мухтав илчĕ пур чăваш та,
Пĕрле килчĕ ырă ят.
Пăхма эпĕр кăльт йăваш та_
Пирте пысăк вăй-хăват!
Çакна Эс туллин кăтартрăн,
Тĕлĕнтертĕн тĕнчене.
Пурнăçна Çĕршывшăн патăн
Çĕклесе Чăваш ятне.
"Авангард" (газета Батыревского района)