Тăрăнта çветтуй Николай ячĕллĕ чиркỹ таврашĕнче малашне кĕркуннехи тĕксĕм каçсенче те кун çути пекех пулĕ. Мĕншĕн çав тери ун пекех тетĕр-и, кăçалхи аслă Мункуна кунта кĕлĕ çурчĕн икĕ енĕпе аш турамалли ывăс пысăкăш хăватлă прожекторсем вырнаçтарнă. Чиркỹ настоятелĕ Николай атте каланă тăрăх вăл республикăра та пĕрремĕш- мĕн. Халĕ çурçĕрчченех тăсăлакан кĕлĕсене те чиркĕве çĕрекенсем çак çутăпа килĕсене утĕç. Унăн пайăркисем ял çийĕн те таçта-таçтах саланаççĕ.

Первоисточник: "Авангард" (газета Батыревского района)