Иртнĕ çула пĕтĕмлетрĕç, малашлăх тĕллевĕсене палăртрĕç

Февралĕн 27-мĕшĕнче Патăрьелĕнчи культурăпа кану центрĕнче районăн 2019 çулхи социаллă пурнăçĕпе экономика аталанăвне пĕтĕмлетекен тата кăçалхи тĕллевсене палăртакан канашлу иртрĕ. Унăн ĕçне район пуçлăхĕ Михаил Петров, район администрацийĕн пуçлăхĕ Рудольф Селиванов, ЧР Патшалăх Канашĕн депутачĕ Олег Мешков, районти депутатсен Пухăвĕн депутачĕсем, ял тăрăх депутачĕсем, предприяти-организаци ертỹçисем, ял тăрăх пуçлăхĕсемпе старостăсем, агропромышленность комплексĕн тата ытти отрасль ветеранĕсемпе сумлă хăнасем хутшăнчĕç. Пĕтĕмлетỹ мероприятийĕ савăнăçлă лару-тăрура ветерансемпе тыл ĕçченĕсене "Тăван çĕршывăн 1941-1945 çулсенчи Аслă вăрçинче çĕнтернĕренпе 75 çул" юбилей медалĕсемпе чысланинчен пуçланчĕ . Мероприяти пирки тĕплĕнрех вулакансене çитес номерте паллаштарăпăр.

(Хамăр корр.)

Авангард



28 февраля 2020
11:06
Хроника
Поделиться