Батыревский район Чувашской РеспубликиОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Публикации » Тăван киле çар тумĕпе кĕтетпĕр

02 ноября 2018 г.

Ывăл ача çуралсан тỹрех ашшĕ-амăшĕ салтака юрăхлă пултăр тет. Урăхла каласан, сывлăхлă ỹссе çитĕнтĕр тениех ĕнтĕ çакă. Тĕреклĕ, кĕрнеклĕскер вара çул çитсен çĕршыва сыхлама тăрать, çара каять. Шăпах çакнашкаллисене чыслас тĕллевпе йĕркелерĕç Призывник кунне Патăрьелĕн- чи пĕрремĕш вăтам шкулта.

Çар ретне тăма хатĕрленнĕ çамрăкăн пурнăçĕнче çĕнĕ тапхăр пуçланать. Çавна май каччăсене ырă çул сунса район администрацийĕн ятарлă программăсен пайĕн начальникĕ Г. Каллин, Патăрьел тата Шăмăршă районĕсен çар комиссарĕ Е. Семенов, ял тăрăхĕсен пуçлăхĕсем, Турă Амăшĕн "Державная" иконĕ ячĕллĕ чиркỹ настоятелĕ А. Синяков иерей, Чăваш Республикинчи мăсăльман тĕн управленийĕн председателĕ, Чăваш Енри Обществăлла палата членĕ Мансур хазрат Хайбуллов, обществăлла организацисен представителĕсем, ашшĕ- амăшĕ ячĕпе А. Прохорова сăмах каларĕç.

Çĕршыва сыхласси Раççей Федерацийĕн кашни гражданинĕн тивĕçĕ. Çамрăксем хушма çар специальноçĕ те илеççĕ. Пĕтĕм Раççейри Призывник кунне пирĕн çĕршывра 1992 çултанпа паллă тăваççĕ. Çитĕнекен ăру патне тимлĕх уйăрни те çакă. Пиччĕшĕсене çĕршыв хуралне чысласа ăсатакан мероприятие шкулти кадет класĕсенче вĕренекенсем те хутшăнчĕç.

Тĕрлĕ çар службинче тăнă ветерансем призывниксене çĕршыв хỹтĕлевçин тивĕçне чыслăн пурнăçлама ырă сунчĕç. Вĕсен калаçăвне итлеме кăмăллă пулчĕ.

Призывниксене асăнмалăх парнесем пачĕç, ăшă сăмахсем нумай каларĕç. Шкулта вĕренекенсем юрă-ташăпа савăнтарчĕç. Çурхи призыв вăхăтĕнче Патăрьел тата Шăмăршă районĕсен çар комиссариатĕнчен 59 çамрăка çар ретне ăсатнă. Кĕрхипе вара 100 ытла каччă салтак тумĕ тăхăнĕ. Вăл шутран 95-шĕ - пирĕн районтан.

Çĕршыва хỹтĕлесси - чи сăваплă тивĕç. Ăна чыслăн пурнăçлама тăрăшăрах. Эпир вара сире килте кĕтетпĕр.

А. АСТРАХАНЦЕВА

Источник: "Авангард" (газета Батыревского района)

Мой МирFacebookВКонтактеTwitterLiveJournalОдноклассники
Система управления контентом
429350, с.Батырево, пр.Ленина, д.5
Телефон: 8(83532) 61-3-15
Факс: 8(83532) 61-2-15
E-Mail: batyr@cap.ru
TopList Сводная статистика портала Яндекс.Метрика